యముండ..

కిం కర్తవ్యమ్ ?

గంగానమ్మో .. పోలేరమ్మో..

తీస్కో ఫో..

రైట్ రైట్..

ఆఖరి బంతి

ఆఖరి బంతి ఎప్పుడో యేమో..
టెన్షన్ తో నరాలు చిట్లి పోతున్నాయి
ఆఖరు పడితేగానీ మ్యాచ్ పూర్తవదు ఏమైనా జరగచ్చు
ఆఖరి బంతి వరకూ ఆడతా అంటాడు
సీమాంధ్ర కాంగ్రెస్ నేతల స్టార్ బాట్స్ మాన్ ముఖ్యమంత్రి కిరణ్
మ్యాచ్ ఎప్పుడో ముగిసింది అంటారు తెలంగాణ వాదులు
ఆటముగిసింది ఆడుడుండదు అంటారు మన కేసీయార్
ఆఖరు బంతి దాకా చూడటమెందుకు
విభజనను అడ్డుకోడానికి అంటారు వైయస్సార్ వాళ్ళు
సిక్స్ కొట్టినా గెలవలేవు అంటారు మన కోదండరాం
మాకు 132 పరుగుల అధిక్యం అంటున్నారు హరీశ్ రావు
బాల్ లేదూ అంటూ కెవ్వున అరుస్తున్నారు డి.శ్రీనివాస్

ప్రజలతో కాంగ్రెస్ ఆడుతున్న ఈ మ్యాచ్ కి మన నేతల కామెంట్రీ ఇది
ఏమైనా అక్టోబర్ వచ్చేసింది కాబట్టి ప్రజల టెన్షన్ కు ముగింపు వచ్చిందనుకోవచ్చు

పచ్చని గడ్డి..

తల 'కట్టూ'

షారుఖ్ పిలకేసుకు కనిపిస్తే
సల్మాన్ మొదల్లైన వారందరూ పిలకలతో కనిపించారు చాలా రోజులు
ఎవరైనా ఒక కొత్త ట్రెండ్ మొదలు పెడితే
సినిమాలలో హీరోలే ఇలా అనుకరిస్తుంటే
ఇక రోడ్లలో యువత సంగతి చెప్పేదేముంది.
ఇప్పటికే పొడవైన వెంట్రుకలు అలవోకగా ఎగరేస్తూ
అబ్బాయిలు అమ్మాయిలని తలపిస్తున్నారు..

కానీ మన రోడ్ల లో మరీ ఇలాంటి వింత వేషాలతో కనిపిస్తే
కుక్కలు తరమటం ఖాయం
 కొత్తగా పెళ్ళిచేసుకున్నాడు
భార్యనిలా భయపెట్టడం ధోనీ మానుకోవాలి
లేకపోతే గృహ హింస కేసు భార్య పెట్టడం ఖాయం

రాణీ మేడం

 మీరు హీరో యిన్ గా చాలా త్వరగా పాపులారిటీ పొందారు కారణం ఏమిటంటారు రాణీ గారూ

చిన్నప్పటినుంచీ తార కావాలని కలలు కన్నాను
నాకు మన యంటీర్ ఏ ఎన్ ఆర్ అంటే చాలా ఇష్టంచిన్నప్పటినుంచీ వారి పై ఆరాధన..


వణక్కం రాణీ మేడం
వణక్కం
తమిళ్ లో మీరు దా పాపులర్
మీకు ఎంద హీరో రొంబ పుడికుం మేడం..
ఎనకు MGR సార్ రొంబ పుడికుం గా..
చిన్నప్పటినుంచీ వారి సినిమాలే చూస్తూ పెరిగా..
అది ఎప్పడి..
ఎన్న అమ్మా తమిళ్ దా..
ఆమా .. అప్పడియా..

 మేడం రాణీ గారూ

కన్నడలో మీరే టాప్ హీరో యిన్ మీ అభిమాన స్టార్స్ ఎవరు..
ఇంకెవరు మన రాజ్ కుమార్ సార్
మీరు తెలుగు కదా..
అయినా మా అమ్మ కన్నడ నేను చిన్నప్పటినుంచీ రాజ్ కుమార్ గారి సినిమా లు చూస్తూ పెరిగా..

నమస్తే రాణీ జీ
నమస్తే జీ
ఆప్ హిందీ మే భీ సక్సెస్ ఫుల్ హోగయా..
హా జీ..
ఆప్ ఇతనా సక్సెస్ ఫుల్ బన్ నే కా సీక్రెట్ క్యా హై
వో యే హై కీ మేరా మమ్మీ రాజ్ కపూర్ సాబ్ కీ బహుత్ బడీ ఫాన్
ఉన్ కే సాథ్ బచ్ పన్ మే
 ధరం జీ అమితాబ్ జీ
బహత్ ఫిలంస్ దేఖీ థీ మై

పెళ్ళాం చెబితే వినాలి

వ్యసనాలు రక రకాలు

వ్యసనమంటే అంటించుకున్న దాన్ని వదిలించుకోలేకపోవటమట.

అంటించుకుoది మంచిదైతే అలానే కంటిన్యూ చేయవచ్చునట..

అలా అది మన జేబుకు కానీ జీవితానికి కానీ బొక్కెట్టేదైతే కాస్త తగ్గించుకోవాలట..

వ్యసనాలు అలవాటు చేసుకోవటం తేలికే

వదిలించుకోవటమే పరీక్ష..

మన ఒబామా కుందో వ్యసనం

అది సిగరెట్టనే గొట్టం

వాళ్ళావిడ చెప్పిందీ

వెంటనే మానెయ్

పిల్లలు పెద్దాళ్ళవుతున్నారు

వాళ్ళముదు తాగటం బావుండదు..

అంతే 

వెంటనే మానేశాడు ఒబామా

నేను నా భార్యకు భయపడి మానేశానని  చెప్పుకున్నాడు కూడా

అలానే పెళ్ళాం చెబితే వినాలి అన్నది కూడా ఒక వ్యసనమే
అది మగవాళ్ళ స్వేచ్ఛా స్వాతంత్ర్యాలను హరించేదని
.ఒబామా ఎప్పుడు తెలుసు కుంటాడో పాపం.. 

జగనన్న వచ్చేస్తున్నాడోచ్..

అన్నా
జగనన్నా
తొందరగా రా అన్నా

 అక్కడ తెలగాణా లొల్లి
ఇక్కడ సమైక్యాంధ్ర లొల్లి
దిక్కు తోచక చస్తున్నాం

నీతోటైతే చిక్కులేదు

 రాజశేఖరయ్య  పోయిన శోకంలో ఉన్న జనాన్ని వెతికి వెతికిపట్టుకుని
మంచిగ ఇంటికొస్తవ్ వచ్చి వచ్చి
చెంపలు చెంపలతో జత చేసి నీవేడ్చ మేమేడ్చ..
ఒకటే దుఃఖం రాజశేఖరయ్య పోయిండు..
వా..
అంతో ఇంతో ముట్టజెపుతావ్ ఎల్లిపోతావ్.
తొందరగా రా అన్నా..
మేం రాజశేఖరయ్య పోయిన దుఃఖాన్ని భరించలేకుండా వున్నాం..
మమ్మల్నొచ్చి ఓదార్చూ..

హైద్రాబాదును ఎక్కడన్నా దాచేస్తే..

వెధవ బొమ్మ తెచ్చారు
వీళ్ళిద్దరూ కొట్టుకు ఛస్తున్నారు
ఇంకోటి తేవల్సింది
నాకేం కోట్లు లేవు
రెండూ మూడూ తేవడానికి
రోజూ ఆ బొమ్మ కోసం రామ రావణ యుధ్ధం ఇద్దరూ వింటం లేదు
ఏం చేయమంటారు
తీసి దాచెయ్
అంతేనా..
ఆ..
విన్నారా..మీరిలా కొట్టుకుంటే బొమ్మ పక్కింటి బబ్లూ కిచ్చేస్తా..
వద్దమ్మా ఇయ్యవద్దు ఇకపై ఇద్దరూ కలిసి ఆడుకుంటాం
అస్సలు కొట్టుకోం
అలా రండి దారికి
***
ఈ తెలంగాణ గొడవతో తలనొప్పి వచ్చింది పిన్నిగారూ
ఇద్దరికీ బుధ్ధిలేదు..
అసలు ఈ గొడవకు అర్థం ఉంద..
విభజించాలని వాళ్ళూ
వద్దని వీళ్ళూ..హైద్రాబాద్ మాదే అని వాళ్ళు మాకే అని వీళ్ళు
ఈ వెధవ గొడవతో పిల్లల చదువు పాడవుతోంది
స్కూల్ అస్సలు జరగటం లేదు..
అమ్మా..
అమ్మా..
వుండరా..
కాఫీ పెడతాను పిన్నిగారూ..
వద్దమ్మా..

మీరలాగే అంటారు ఎంత నిమిషం పట్టదు వుండండి..
అమ్మా..
అమ్మా..
ఏంట్ర..
అమ్మా నీవు ఆ బొమ్మని దాచేసినట్లు ఆ సోనియా హైద్రాబాదును ఎక్కడన్నా దాచేస్తే..
అప్పుడు వీళ్ళూ దెబ్బలాడుకోకుండా నోర్మూసుకుని వుంటారు..
కదరా తమ్ముడూ..
వద్దురా..అన్నయ్యా..
అప్పుడు మనకు స్కూల్ రోజూ వుంటుంది అప్పుడు ఆటలూలేవు.. సెలవులూ లేవు..

సరిజోడు

నీలవేణికి పెళ్ళి చూపులు

ఇంట్లో అందరూ సంతోషంగా ఉన్నారు

అబ్బాయి సాఫ్ట్ వేర్ ఇంజనీర్

లక్షల్లో జీతం

మంచి కుటుంబం

అబ్బాయి బుధ్ధిమంతుదు

ఇంట్లోఅందరూ ఒకటికి పది సార్లు ఇప్పటికి

ఈ విషయాలు ముచ్చటించుకుని మురిసిపోయారు

కానీ నీలవేణి మనసు మండిపోతూంది

ఎట్లా ఈ కార్యక్రమాన్ని అట్టర్ ఫ్లాప్ చెయ్యాలా

అని తెగ ఆలోచిస్తూంది

స్నేహితులతో మంత్రాంగం చేసింది

తలా ఒక సలహా చెప్పారు

మంగ అతగాణ్ణి పక్కకు తీసుకెళ్ళి

నాకీ పెళ్ళి ఇష్టం లేదని చెప్పేయమంది

సరిత ఆకాశరామన్న ఉత్తరం ఒకటి

మంచి మసాలా అపధ్ధాలను కల్పించి రాసి

వాళ్ళ మనసు విరిచేయొచ్చని ఐడియా ఇచ్చింది

ఇదేదో తేడాగుంది నేను  జంపు

అని జ్యోతి అడ్రసు లేకుండాపోయింది

అతగాణి అఫీసుకు వెళ్ళి
అక్కడి అబ్బాయిలతో అతను చూసేలాగ
చనువుగా తిరిగి 
తను చాలా బ్యాడ్ కారెక్టర్ అని అతను అనుకొనేలాగ చేయమని 
పేద్ద అయిడియా ఇచ్చింది సురేఖ..

కానీ పెళ్ళి చూపులవరకూ కథ రానేవచ్చింది
ఛ..
పదకొండో సారి అనుకుంది నీలవేణి
బుట్టెడు పూలు నెత్తి మీద పెట్టారు
తనకు పూలంటే చచ్చే అలర్జీ..

మెడనిండా నగలు దిగేసారు
అమ్మవి బామ్మవి అత్తయ్యవి పిన్నివీ ఇంకా ఊరందరివీ..

ఒకరివి కాదంటే కోపం
వేసుకోనంటే నిష్టూరం
తనేమైనా బొమ్మా
తనకంటూ ఇష్టాఇష్టాలు లేవా..
ఈ పెద్దవాళ్ళున్నారే..
పెదవి కొరుక్కుంది..

తనసలే అందంగా ఉంటుంది
ఆ అబ్బాయికి కొంపదీసి నచ్చితే..
గుండె దడ దడ కొట్టుకుంది

నచ్చకపోవటమేమిటి నచ్చి తీరుతుంది
ఎలా..
అందరూ హాల్లో హాస్యాలాడుకుంటున్నారు
తను ఒక్కతీ రూములో
తను చిర చిర లాడుతుంటే
అందరూ తనను అలంకరించి
హాలులో చేరారు

పెరట్లోంచీ పారిపోతే..
ఎక్కడికి పారిపోతుంది
ఛ..
ఒక్కణ్ణీ సరిగ్గ ప్రేమించలేదు
ఎంతమంది వెంటపడ్డారు
ఒక్కడికీ గ్రీన్ సిగ్నల్ ఇవ్వలేదు
ఎవరిని చూసినా వీడు నాకు తగడు అనిపించేది..
సుధాకర్ ప్రాణం తీసుకుంటానన్నాడు
రాంచరణ్ వీధి మొదట్లో 
నాలుగు సంవత్సరలు పడిగాపులు పడ్డాడు
కృష్ణ సత్య విక్కీ చక్రీ
హయ్యో
ప్రేమించి పెళ్ళి చేసుకోకుంటే మజా ఏముంది

హారి దేవుడా నాకు ఎన్ని కష్టాలు
ఇంతలో బిల బిల మంటు రోసీ లీల లావణ్య వాణి వచ్చేసారు
హాయ్..
ఎలాఉన్నావ్ అంటూ
వారిని చూసి నీలవేణి అమ్మానాన్న కూడా ఉబ్బి తబ్బిబ్బయ్యారు
వచ్చారా
మీ స్నేహితురాలిని ఇంకా యేమైనా అలంకరించండి
తను కూడా మీరు లేరని దిగాలుగా వుంది
ఎంతైనా స్నేహితులు కదా

అలాగే ఆంటీ..
హాయ్ నీలూ
ఎలా ఉన్నావ్
అంటూ వయ్యారాలు పోతూ
నీలవేణి స్నేహితులు రూములోకి వెళ్ళారు
వారు మాట్లాడుతుంటే
తెలుగును చక్కెరలో ముంచి తీసి మాట్లాడుతున్నట్లుంది..

వారిని చూడగానే నీలవేణి ముఖం వెయ్యి క్యాండిల్స్ బల్బులా వెలిగింది
ఏంటే నీవేనా గుడిలో అమ్మవారేమో అనుకున్నా
రోసీ అంది
మా అక్క పెళ్ళి చూపులకి
ఒక సన్న చైన్ వేలికి ఒక ఉంగరం అంతే..
ఆ తల్లో ఒక గులాబీ..
ఏంచేయనే..
అంది నీలవేణి కంపరంగా

పైనేమో పూల షాపు
కిందంతా నగలషాపు
నీముందు నీ కివ్వబోయే కరెన్సీ పెడతారేమో..
అదో రిజర్వ్ బాంక్
పక పకా నవ్వింది

చాల్లెండే ఏదైనా ఉపాయం చెప్పకుండా ఆటపట్టిస్తున్నారు..
గునిసింది నీలవేణి
మరో ఇద్దరు అటొకరు ఇటొకరూ చెవిలో నీలవేణికిఏదో ఉపదేశం చేసారు
వెంటనే నీలవేణి ముఖం విప్పారింది
అమ్మయ్య మీరొచ్చారు
ఎంత ధైర్యం వచ్చిందో


అబ్బాయ్ తరఫు వాళ్ళూ వచ్చారు
అందరూ బిల బిలమంటూ బయటకు వెళ్ళి వారిని లోపలికి తీసుకొచ్చారు
మర్యాదలు చేసారు

అబ్బాయ్ డీసెంట్ గా వున్నాడు
అందంగా వున్నాడు
పిల్లని తీసుకురండి అన్నారు

ఆడవాళ్ళు లోపలికి వెళ్ళి చెప్పేసరికి
నలుగురు స్నేహితులూ నీలవేణిని తీసుకొస్తున్నారు
వస్తున్న నీలవేణిని చూసారు బంధువులు
మళ్ళీ అందరి చూపులూ మగపెళ్ళి వారివేపు మళ్ళాయి

వెంటనే ప్లాన్ నెంబర్ వన్ అప్లయ్ చేసింది నీలవేణి
కుంటుతూ నడవడం మొదలు పెట్టింది
ఇది చూసిన మగపెళ్ళి తరఫు వారు కంగారు పడ్డారు
ఏంటి అమ్మాయి కుంటుతుంది..
ఎలా వాళ్ళని అడగడం..

ఇది చూసిన నీలవేణి స్నేహితులు నవ్వును బిగపట్టుకున్నారు..
కూర్చోమ్మా..
వెంటనే నీలవేణి చంకలోంచీ కర్రలను తీసి కూచుంది
కుర్చీలో.వెంటనే నీలవేణి స్నేహితులు ఆ కర్రలను ఒకరినుంచీ ఒకరు అందుకుని గోడపక్క దాచేసారు
అవి నీలవేణి బాబాయ్ వాళ్ళ కొడుకువి..
వీళ్ళిలా ఉపయోగించుకున్నారు..

మగపెళ్ళి వాళ్ళ ముఖాలు నల్లబడ్డాయి


స్నేహితులు నలుగురూ "య్యస్ "అనుకున్నారు చూపులతో
ఇంతలో నీలవేణి బాబాయ్
అమ్మా నీలూ అంత సిగ్గయితే ఎలా
కాస్త అబ్బాయిని చూడు..
ఆనక నేను చూడలేదు మళ్ళీ చూడలంటె కుదర్దు..

దగ్గరికొచ్చి నెత్తిపై చిన్న దెబ్బవేసి అన్నాడు
సరేనంటూ తలౌఉపింది నీలూ

బాబాయ్ అటు తిరగ్గానే
మెల్లకన్ను పెట్టి  తలెత్తుతూ తననే చూస్తున్న్ నెమ్మదిగామగపెళ్ళి వారివంక చూసింది..
దెబ్బకు దిమ్మ తిరిగి పోయింది వాళ్ళకి
ఈసారి మరింత ఆందోళన ఎక్కువైంది..

రోసీ లావణ్య మూతి బిగించి నవ్వసాగారు
నీలవేణికీ ఇదేదో తమాషాగానే ఉంది..
కానీ
పెళ్ళికొడుకు ఇదంతా కనిపెట్టాడు
అతనికి వీళ్ళ తంతు అర్థమైంది..

అమ్మాయికి నడవడానికేమైనా ఇబ్బందా అన్నయ్యగారూ అంది
పిల్లాడి తల్లి

అబ్బే అలాంటిదేం లేదమ్మా
నీలూ కాలేమైనా నొప్పిచేసిందా అన్నాడు నాన్న..

చక్కటి కళ్ళు కానీ కాస్త .. మెల్ల లా వుంది.
ఈసారి కాస్త కోపం వచ్చింది నీలూ నాన్నకి
ఏంటండి ఏం మాట్లాడుతున్నారు మీరు
మా పిల్లకి మెల్లా..
అన్నాడు కరుగ్గా..
నీలూ ఒకసారి తలెత్తూ..

నీలవేణికి తలెత్తక తప్పలేదు
మెల్ల మంత్రం ఫలించలేదు..
చక్కగా చూసింది..
అబ్బాయ్ అమ్మాయిని చూసి నవ్వాడు కొంటెగా..
లేదన్నయ్య గారూ అమ్మాయ్ లక్ష్మిలా వుంది..

నీలవేణి స్నేహితులు ఆ అబ్బాయిని చూసి అయిసయిపోయారు..
అందరి గుండెల్లోనూ సన్నని గిలిగింత 
పిల్లని లోపలికి తీసుకెళ్ళండమ్మా అన్నాడు మధ్యవర్తి..

పెళ్ళి చూపుల తతంగం ముగిసింది
ఇచ్చి పుచ్చుకోవడాలు మాట్లాడుకుంటున్నారు
రెండోసారి కాఫీలు వెళ్ళాయి..

నీలవేణి స్నేహితులు రూములో చేరారు..
అబ్బాయ్ బావున్నాడే..
చేసేసుకో అంది లావణ్య..

అవునే ఆ అబ్బాయికేం తక్కువ..
అంది 
అంది 

కానీ జీవితంలో ఒకే ఒక్కసారి పెళ్ళి చేసుకుంటామే
కాస్త ప్రేమించి
అభిరుచులూ అభిప్రాయాలూ కలిసాకా చేసుకుంటే ఎంత బావుంటుంది చెప్పు..
దీనంగా అంది నీలవేణి..

అవునే.. పాపం..నీలవేణి
అందుకే ఎవరో ఒకరిని ప్రేమించవే ప్రేమించవే అని 
చిలక్కు చెప్పినట్లు చెప్పానే..
అంది లావణ్య

సరేలే నీవు ప్రేమించు అనగానే ప్రేమ పుడుతుందా..
గుండెల్లో ఒక ఫీలింగ్ కలగొద్దూ 
నాకు శశాంక్ ని చూడగానే అలాగే కలిగింది..
అందుకే ప్రేమించా

మరి వాడు చదువు రాని మొద్దు కదే..
చదువుదేం వుందే.. 
జీవితం మళ్ళీ రమ్మటే వస్తుందా.. 
లవ్ అనేది ఒక వరం అది అందరికీ దొరకదు..
అంది లావణ్య అరమోడ్పు కళ్ళతో
ఆరాధనగా చూసింది నీలవేణి

ఇలా వాళ్ళ సంభాషణ సాగి సాగి
ఇక మేం వెళ్తామే అని ఒకరికొకరు బై చెప్పుకొని వెళ్ళే పోయారు

అక్కడ పెళ్ళివాళ్ళూ వెళ్ళిపోయారు

రాత్రి నీలవేణీ జరిగిందంతా ఆలోచిస్తూ గడిపింది
నిద్రలో తను పెళ్ళయి ఆ అబ్బాయితో ఏడుస్తూ వెళ్ళిపోతున్నట్టు పీడకలలు..

మరుసటిరోజు తన జీవితంలో మరపురాని రోజు కాబోతూందని 
నీలవేణికి తెలియదు 


ఎప్పట్లానే తెల్లారింది
కాఫీలయ్యాక
అందరూ ఒకసారి క్రితం రోజు సంగతులు ముచ్చటించుకున్నారు
తరువాత తలోదారీ ఆఫీసులకు వెళ్ళిపోయారు

నీలవేణి కాలేజ్ కి వెళ్తూంది
దారిలో బస్సు చెడిపోయింది
ఆటోలు దొరకలేదు
కాలేజ్ టైమైపోయింది..
కాలేజ్ కెళ్ళాలా లేక ఇంటికా అన్న డైలమాలో 
మెల్లిగా నడుస్తూంది నీలూ

ఇంతలో తనపక్కనే ఒక లావుటబ్బాయి నడచి వెళ్ళాడు
అతన్ని ఆసక్తిగా చూసింది
అతను పొడవాటి గుడ్డసంచీ వేసుకున్నాడు 
కంటికి అద్దాలు ఉన్నాయి

అతను ఆరాం గా అటూ ఇటూ చూస్తూ
తొలిసారి హైదరాబాద్ వచ్చినట్లు
ఒక్కో భవనాన్నీ పైనుంచీ కిందిదాకా చూస్తూ నడుస్తున్నాడు..

అతని పక్క నడుస్తున్న చిన్నపాపని
హాయ్ బుజ్జీ అని బుగ్గపై ఒక చిటికె వేసాడు..
ఆ పాప ఇతన్ని చూసి నవ్వింది
దట్స్ గుడ్ అంటూ 
వెనక్కి తిరిగి నడుస్తూ తల ఒక పక్కగా వంచి రాజేష్
ఖన్నాలా నవ్వాడు

దారిన పోతున్న ఒక బిచ్చగాడి భుజం చుట్టూ చేయివేసి రోడ్డు దాటించాడు..
ఈసారి ఈలవేస్తూ చెంగు చెంగున గెంతుతున్నాడు

అడ్డువచ్చిన ఒక చెట్టు చుట్టూ స్టయిల్ గా తిరిగాడు గిర్రున

ఇదంతా విచిత్రంగా వుంది నీలవేణికి
ఎవరబ్బా ఇతను
ఏంటిలా బిహేవ్ చేస్తున్నాడు..

వేరుశనక్కాయలు కొనుక్కొని 
వంద ఇచ్చి చిల్లర అతను ఇవ్వబోతే
వద్దులే నీవే వుంచుకో అన్నాడు ఉదారంగా..

పరాకుగా నడుస్తున్న నీలవేణిని ఒకస్కూటర్ గుద్దేయబోయింది..

ఏంటమ్మా చూసి నడవ్వా ..

హయ్యో అంటూ తలకొట్టుకుని వెళ్ళి పోయాడు అతను

ఎక్కడినుంచీ వచ్చాడో కిందకు పడబోయిన నీలవేణి భుజాలు  గిరుక్కున పట్టుకునాపాడు లావుటబ్బాయ్..

నీలవేణి సినిమాలోలా అతనిచేతుల్లో వాలిపోయింది..

అతను నీలవేణి కళ్ళల్లో కళ్ళుపెట్టిచూసి

ఆర్యూ ఓ కే..

అన్నాడు 

హా.. హా..

అంది నీలూ

ఇద్దరూ కలిసి నడవసాగారు..

థాంక్స్ అంది నీలవేణి..

ఇట్స్ ఓ కే..

మీరు హైడ్రాబాడ్ కి కొత్తా అంది

నో .. అయాం బార్న్ అండ్ బ్రాట్ అప్ హియర్ యూ నో..

మీరు ఎవరినైనా ప్రేమించారా..

అన్నాడు..

లే.. లేదు..

అంది..ముఖం ఎర్రబడింది..

ఏం లేదు అలా కలలు కంటూ నడుస్తుంటే

ఆక్సిడెంటయ్యే వాళ్ళంతా ప్రేమించాలని రూలుందా..

ఏం అనుకోకండి నేనిక్కడ ఏం అనిపిస్తే అది మాట్లాడతాను

ఇక్కడ యేం చెయ్యాలనిపిస్తే అది చేస్తాను..

గుండెలు కొట్టుకుంటూ అన్నాడు

అలాగా.. అన్నట్లు చూసింది

ఇద్దరూ కలిసి నడుస్తున్నారు

అయిస్ క్రీం బండి వచ్చింది..

కావాలా అని అడిగాడు..

వద్దు.. అంది మొహమాటంగా..

అతను వెళ్ళి నాలుగు అయిస్ క్రీం లు తెచ్చుకున్నాడు..

నాలుగెవరికీ..

నాకే..

నాలుగూ ఒకేసారి తింటున్నాడు 

చిన్నపిల్లాడు తింటున్నట్టుంది..

 నీల వేణి మదిలో యేవో ద్వారాలు తెరుచుకున్నాయ్

ఆమె అలా చూస్తుండగానే నాలుగూ నాకి నాకి తిన్నాడు

మీరు..

కాలేజ్ కి వెళ్ళాలి బస్ చెడిపోయింది..

ఎలాగూ వెళ్ళాలని లేదు..

అందుకే ఇలా రిలాక్స్డ్ గా నడుస్తున్నా..

నేనూ అంతే..

మొదట స్టడీస్ కి అమెరికాకెళ్ళా 

మధ్యలో చెయ్యాలనిపించలే..

సడన్ గా కాలేజ్ మానేసి ఇండియా వచ్చా..

అవునా ఆశ్చర్యంగా చూసింది..

అవునండీ

నేనంతే

ఇక్కడ ఏమనిపిస్తే అది మాట్లాడతా..

ఇక్కడ యేమనిపిస్తే అది చేస్తా..

అంటూ గుండెలు కొట్టుకున్నాడు..

అవునా ఆశ్చర్యంగా చూసింది నీలవేణి..

నీలవేణి గుండెల్లో గంటలు మోగాయ్..

మా మావయ్య ఉద్యోగమిప్పించాడు..

ఆస్రేలియాతో డీల్ అక్కడ నేనుండి సెటిల్ చేయాలి

సడన్ గా ఉద్యోగం మానేసా..

అవునండీ నేనంతే

ఇక్కడ యేమనిపిస్తే అది మాట్లాడతా 

ఇక్కడ యేమనిపిస్తే అది చేతా..

మళ్ళీ గుండెలు కొట్టుకున్నాడు..

అవునా ఆశ్చర్యంగా చూసింది నీలవేణి

దారిపక్కన మురికి నీరు నిలిచివుంది

అందరూ దాన్ని దాటుకుంటూజాగ్రత్తగా వెళ్తున్నారు..

ఆ అబ్బాయ్ గబ గబా పరుగెత్తుకెళ్ళి ధబ్బున ఆ నీళ్ళల్లో జంప్ చేసాడు..

ఆ మురికి నీరు దారిన పోతున్న అందరిమీదా చిమ్మి వారి బట్టలు ఖరాబయ్యాయ్

ఏ.. పాగల్ హైక్యా..

కైసాకూద్ రా యే..

హఠ్..

చీదరించుకున్నారు అందరూ..

ఆ అబ్బాయి మాత్రం వీరి మాటలు లెక్క చెయ్యకుండ 
చప్పట్లు కొడ్తూ నవ్వాడు..

మళ్ళీ జంప్ చేసాడు.

మళ్ళీ జంప్

అతని బట్టలూ ముఖం మురికి మురికి

కానీ అతను భలే ఎంజాయ్ చేస్తున్నాడు

నీలవేణి గుండెల్లో సితార్లు  సందడి చేసాయి

ఆరాధనగా చూసింది

యు ఆల్సో వాంట్ టు డూ డూ లైక్ మీ   కం కం అంటున్నాడు

నేఅలవేణీ నీళ్ళల్లో ఒక్క గెంతు గెంతింది..

భలే వుంది..

ఇద్దరూ అలా కొన్ని సార్లు గెంతి

బయటికొచ్చారు..

మై హార్టీస్ బీటింగ్ అని పాడుతున్నాడు ఆ అబ్బాయ్..

నీలవేణీ హం చేసింది..

ఇద్దరూ మళ్ళీ ఎనిమిది అయిస్ క్రీం లు కొనుక్కుని 

నాకి నాకి తిన్నారు..

ఎన్నో మాట్లాదుకున్నారు..

పేవ్ మెంట్ మీద కూచుని

టీ బంకుల్లో చాయ్ తాగుతూ

ఇద్దరి అభిప్రాయాలూ అభిరుచులూ కలిసాయ్

 అనిపించింది నీలవేణీకి

ఇతనే ఇతనే నా సరిజోడు అంది ఆమె మనసు

చివరగా ఇద్దరూ అయ్ లవ్యూ అని చెప్పుకున్నారు..

చంద్రముఖి

అవి చంద్రముఖి విడుదలైన రోజులు
అందరూ సినిమా చూడాలని ఉవ్విళ్ళూరుతున్నరోజులు
చూసొచ్చిన వాళ్ళు చూడని వారిని చూసేదాకా ఊరించి ఊరించి చంపేవారు..
ఎవ్వరి నోట్లో నూ లక లక లక శబ్దం అప్రయత్నంగా వచ్చేది

జ్యోతిక కళ్ళు తోం తోం తోం అంటూ తిప్పితే 
ఎందరో గుండె పట్టుకుని హాలులోనే పడిపోయారు.. ట...

ఒకరోజు రైతు బజారుకు రాత్రి తొమ్మిదిన్నరకు బయలు దేరింది
కూరలకు సావిత్రి

కూరగాయలవాళ్ళు అందరు వాళ్ళ సామాను సర్దుకుని ఆటోలకు ఎక్కిస్తున్నారు
హయ్యో కూరలు లేవే..
రేపేమి వండేది
మాయదారి సినిమా చూస్తూ ఎంతపనిచేసాను
ఒక్క కూరలవాడైనా ఉండకపోడా
అనుకుంటూ నడుస్తూంది..
ఒకచోట వీధి లైటు విశ్రాంతి తీసుకుంది
చీకటిలోనే నడుస్తూంది కూరగాయలపై ఆందోళనతో సావిత్రి
దూరాన ఒక బండి
వాడూ వెళ్ళే ప్రయత్నం లో ఉన్నట్టుంది
వాడి దగ్గర అంత్యదశలో ఉన్న పెట్రొమాక్సు లైటు
బాబూ..
బాబూ..
ఆగు
అప్పుడే సర్దేయకు
నేను కొనడానికి వస్తున్నా..
వ్యాపారం చేసే వాణికి వినియోగదారుడే కదా రాజు..ఛ.. రాణి
అలాంటి రాణిని వస్తున్నా ..

బెండ కాయ కిలో ఎంత..
నలభై
ఆ నలభై రూపాయలా.. అక్కడ అంత లేవే..
అంటూ వాడి వంక చూసింది
వాడు క్రూరంగా చూసాడు
వాడి మొహం అప్పుడే జైలు నుంచీ విడుదలై వచ్చినట్లుంది..
బీన్సు ఎంత..
అరవై...
ఆ అరవయ్యా అక్కడ అంత...వాణి మొహం చూసి తడబడి.. లేవే అన్న పదాన్ని ఆపేసింది..
కూరగాయల వాళ్ళ దగ్గర కత్తి వుంటుంది కదూ..
ఆలూ..
ముఫయ్..
ఆ..
సరే... ఓ అరకిలో ఈ..
వాడు తూచి ఇచ్చాడు
ఇవి అరకిలోనా..
కింద రాయేమన్నా పెట్టావా..
అంటూ చెక్ చెయ్య బోయేలోగా..
వాడు క్రూరంగా చూసి.. లక లక లక అన్నాడు పెద్దగా భయంకరంగా..
ఆ చీకట్లో పెట్రొమాక్సు లైట్ వెలుగులో
ఎవ్వరూ లేని ఆ రాత్రివేళ..
ముఖాన కత్తి గాటున్న వాణి ముఖం చూసి కెవ్వు మంటూ అరిచి పరుగందుకుంది సావిత్రి.. 

అమ్మలూ ఇవ్వాళేం జరిగిందో తెలుసా..?

అమ్మలూ ఇవ్వాళేం జరిగిందో తెలుసా
ఆ నిర్భయ కేసు నిందితులకు ఉరిశిక్ష ఖాయమైందట..
దేశమంతా టీవీలలోనూ పేపర్లలోనూ తెగ ఆనందపడిపోతున్నారు
ఆ వెధవలు సుప్రీం కు కూడా అప్పీలు చేసుకోవచ్చటలే
మళ్ళీ ఓ సంవత్సరం విచారణ..
అయినా మన నిర్భయ చట్టం ఉందిగా
తప్పకుండా అక్కడా ఉరే..


ఇకపై అమ్మాయిలు ఏం భయపడక్కరలేదు
రేప్ చేసినా చంపినా పరవాలేదు..
మన నిర్భయ చట్టం ఉందిగా..
దోషులు ఎక్కడికీ తప్పించుకు పోలేరు..

వాళ్ళలో ఓ మైనర్ కూడా ఉన్నాడు గద
వాణ్ణి కోర్ట్ క్షమించి మూడు నెలలే శిక్ష వేసిందట..

ఎంతైనా పసివాడు ఏదో తెలిసీ తెలియక తప్పు చేసాడు
అయినా పసిపిల్లలకూ శిక్షలు వేస్తారా ఎవరన్నా..

వాడు మాత్రం మూడునెలలూ శిక్ష ముగించుకుని
మళ్ళీ మనముందు తిరుగుతూ కనిపిస్తాడు..

మన పిల్లలతోనూ ఆడుతూ పాడుతూ మాట్లాడుతూ..

అయినా
ఈ సినిమాలూ ఇంటర్ నెట్లూ వచ్చి అడ్డమైనవీ చూపిస్తుంటే
పిల్లలు చెడిపోరా..
సినిమాలలో ఆడదాన్ని ఎంత చూపించాలో అంతా చూపించి
రెండర్థాల పాటలతో .. అరె ఎంత పిచ్చి దాన్ని
అది మా చిన్నతనంలో కదూ
కేవలం ఒకే ఒక బూతు అర్థంతో పాటలతో రెచ్చగొట్టి
ఈ సినిమా జనం నిర్భయ కోసం శాంతి అంటూ కొవ్వొత్తులు పట్టుకు బయలు దేరారే..
ముదు వీళ్ళని ఉరి తీయాలి

అయినా ఏం పర్లేదు అమ్మలూ మన నిర్భయ చట్టం ఉందిగా..

నీకు తెలుసా
ఒకప్పుడు ఆడపిల్ల కడుపులో ఉందని తెలియగానే..
కడుపులో పిల్లని కడుపులోనే చంపేసే వాళ్ళు జనం
సాకలేక..
మగపిల్లాడైతే ఆఖరికి తిండి పెడతాడు కదా..
అందుకని..
వినడానికి ఎంత బాగుంది కదూ..
నేను  ఆడపిల్లని కన్నా ఎంత మురిసిపోయానో..

నీవు మాత్రం
ఆడబిడ్డని కనకమ్మా..
కడుపులో ఉన్నది ఆడపిల్లని తెలిస్తే.. చడీ చప్పుడు కాకుండా చంపేసెయ్
నిర్భయ చట్టం ఉంది కానీ
పెంచి పెద్దచేసి..
చదువు చెప్పించి..
ఎవరిచేతిలోనో చంపించటమెందుకు చెప్పు
మన చేతులారా మనమే చంపుకుంటే మంచిది కదా..

పుట్టపర్తి అనూరాధ అక్షర కలశం: స్వరార్చన

పుట్టపర్తి అనూరాధ అక్షర కలశం: స్వరార్చన: సరళీ వరుసలతోనే ..తొలి అడుగుల గమనం.. మాయామాళవ గౌళం అందించును హస్తం.. గీతాలు..అలంకారాలు..వర్ణాలూ ..జతులూ.. మైలురాళ్ళు..గీటురాళ్ళు..నీటిస...

ఫస్ట్ టాక్

రాధ సినిమాకెళ్ళింది..
రాధ ఆమె ఫ్రెండ్సూ..కబుర్లు చెప్పుకుంటూ సినిమా చూసారు..
ఇంటర్వెల్ లో పాప్ కార్న్ తిన్నారు..కూల్ డ్రింక్ తాగారు..
రాధ స్నేహితురాళ్ళు రాధ లానే జాలీ మనుషులు కొత్త కొత్త చీరలు వెరైటీ కొనడం..వాచీలు సెంట్లూ ఇంపోర్టెడ్ వస్తువులు ప్రదర్శించడం మొత్తానికి జీవితాన్ని ఎంజాయ్ చెయ్యటం వారికి తెలిసినంతగా ఎవరికీ తెలియదేమో..
కానీ సినిమా వారికి నచ్చలేదు ..పాత సినిమాలలోని సీన్లనే కొత్తగా రాయడానికి ట్రయ్యింగు..
కానీ వారికి బాధలేదు ..వారొచ్చింది సరదాకి..
సినిమా బయట టీవీ వాళ్ళు కెమెరాలతో రెడీ గా వున్నారు..
ఫస్ట్ డే ఫస్ట్ షో ..
టాకెలా వుందో అని నిర్మాత దర్శకుడూ..హీరో అందరూ ఒకటే టెన్షను..
సినిమా అయిపోయి తలుపులు తీయగానే ఒక్కసారిగా జనం బయట పడ్డారు..
వెంటనే కెమెరాలు ముందుకురికాయి..
మైక్ లు ప్రేక్షకుల ముఖాల మీదకు పరుగెత్తాయి..
కేక..
100 డేస్..
సూపర్ హిట్టూ..
పాటలదిరాయి..
ఐటం సాంగ్ పిచ్చ పిచ్చగా వుంది..
అన్నా.. 200 డేస్ గ్యారంటీ..
హీరోయిన్ లుక్స్ బావున్నాయి..
అందరూ కెమెరాలో ముఖం పెట్టి ఏదో ఒకటి చెప్పి కెవ్వున కేకలేస్తూ..ముందుకు వెళ్తున్నారు..
టాక్ చూడటానికొచ్చిన హీరో దర్శకుడూ..నిర్మాత అట్రాక్షన్ కోసం హీరోయిన్ అందరూ.. అభిమానులకు చేతులూపుతూ..దిగుతున్నారు..
ఎవరో దర్శకుడిని అడుగుతున్నారు..
ప్రేక్షకుల స్పందన ఎలాగుందని మీరనుకుంటున్నారు..?
చాలా బాగుంది..నేను ఊహించినదానికన్నా బాగా రిసీవ్ చేసుకున్నారు అభిమానులు ..
అవునవును ..కొన్ని చోట్ల డైలాగులకు ప్రేక్షకులు విజిల్సూ చప్పట్లూ..అప్పుడే నాకర్థం అయిపోయింది..సినిమా సూపర్ డూపర్ హిట్టని..
దర్శకుడూ..నిర్మాతా ఇద్దరూ కలిసి చెప్పారు..
ఇంతలో అనుకోకుండా రాధ ముందుకు మైకొచ్చింది..చూడటానికి డీసెంట్ గా వున్న ఆమె చక్కటి కామెంట్ చేస్తుందని అనుకున్నారు అందరూ..
ఇంతకుముందు మూగ సినిమాలుండేవి..
తర్వాత టాకీలొచ్చాయి..పాటలొచ్చాయి..
కలరొచ్చింది..
ఇప్పుడు కంపు సినిమాలు తయారు చేస్తున్నారు..
అనేసి వెళ్ళిపోయింది ..

హీరో దర్శకుడూ..నిర్మాతా తలెక్కడ పెట్టుకోవాలో తెలియక చచ్చారు..

సుమన దిగులుగా వుంది..
మురళి ప్రవర్తన ఆమెను కలవరపరుస్తూంది..
తను ఏకాంతంలో ఊపిరాడనట్లూ..నలుగురిలో ఒక్కడైనట్లూ..సతమతమవుతున్నాడు..
తన సమక్షం అతన్ని సంతృప్తి పరచకపోగా..మరింత అసహనానికి గురి చేస్తూందని తను గుర్తించింది..
దానికి తన వద్ద యేం ప్రత్యామ్నాయముంది కనుకా..?

తనూ ఓ చక్కని భర్త కోసం కలలు కంది..
అందమైన వాడు కాకున్నా.. మంచివాడు కావాలనీ.. ప్రేమానురాగాలు పంచాలనీ..
మధ్యతరగతి జీవితాలకింకేం కావాలి..?
కానీ ఆయన ఇంకేదో ఆశిస్తున్నాడు..
పైకి చెప్పడు..లోన దాయలేడు..
దానికి తనేం చేయగలదు..?
ఆందోళనపడడం తప్ప..
నిట్టూర్చింది..

ఆ వీధి చివరే ఓ .. రామాలయం..
భక్తి కోసం ..
కాలక్షేపం కోసం ..
వరాలకోసం ..
భక్తులు ఆ రాముణ్ణి దర్శిస్తూ వుంటారు..

తనూ ఆ రాముణ్ణే.. ఆశ్రయించింది..
మనశ్శాంతి కోసం .. పరిష్కారం కోసం..
రాయినైనా.. కాకపోతిని..రామ పాదము సోకగా..
బోయనైనా కాకపోతిని .. పుణ్య చరితము పాడగా..

అడవిలోపల ఉడుతనైతే ..అతివ సీతను గాంచనా..
అందువలనా రామ చంద్రుని వేలి గురుతులు మోయనా..
మహిని అల్పజీవులే ఈ మహిమలన్నీ..మోయగా..
మనిషినై జన్మించినా నే మత్సరమ్మును వీడనా..
మద మత్సరమ్మును వీడనా..??

సుశీల కమ్మని కంఠం వేదనలు వెదజల్లుతోంది..
మూగవోయిన మనసుతో ..సుమన ఓ చోట కూర్చుంది..నిస్తేజంగా..

ఏమ్మా.. వంట్లో బావోలేదా..??
పలకరించిందో ఆత్మీయ కంథం..
అమ్మాయి మనసు బావోలేదేమోనే..!!!
జతయిందింకో ..అనునయ వాక్యం..
మేము మీ ఎదురింటి కొచ్చామమ్మా..
వాళ్ళు మాకు చుట్టాలులే.. నీవు మమ్మల్ని గమనించలేదేమో..
నీవూ మా బిడ్డలా అనిపిస్తావనుకో..

ఎప్పుడూ..అలా దిగులుగా వుంటావు..
కొత్తగా పెళ్ళైన నీలాంటి ఆడపిల్లలు కళ్ళతోటే ఎన్నో కమ్మని కథలు వినిపిస్తారు..!!

తల్లిదండ్రులపై .. బెంగా..?
అబ్బే అదేం లేదండీ..
ఏం అనుకోకమ్మా.. నీ స్వవిషయాలవి.. చెప్పడం ..మానడం .. నీ ఇష్టం కదా..
సముద్ర మధనం జరిగిన తరువాతే..అమృతం బయట పడ్డ విషయం గుర్తుంచుకోమని చెప్పవే..

అంతే..
సుమన కళ్ళు హటాత్తుగా వర్షించాయి..
కళ్ళు తుడుచుకుని వస్తానండీ.. అంటూ గబగబా వెళ్ళిపోయింది..

పాపమే .. చిన్నపిల్ల..
అంతేకాదండీ.. వివేకమున్న పిల్ల..
చెప్పటమిష్టం లేకేమోనండీ..
కాదే.. బరువుగా సాగుతున్న నీలి మేఘమేం చేస్తుందీ..??
చల్లని గాలికే వర్షిస్తుంది..
సరిగ్గా .. ఈ అమ్మాయీ అందుకే హడావుడిగా వెళ్ళిపోయింది..

పలకవేమిటే..?
అబ్బాయి సరిగ్గా.. చూడట్లే దంటారా..??
అయిండచ్చు..కాకపోవచ్చు.. కూడా..
అతగాడూ .. అంతే .. సత్రం భోజనం .. మఠం నిద్ర.లావుంటున్నాడు తప్ప ..కొత్త సంసారపు మెరుపులేవీ..??
ఏం..చేద్దామంటారూ..??
అతన్నీ ఓ చూపు చూడాలి..
వైద్యుడన్ని కోణాల్నించీ ..పరిశీలించినట్టు..
నీవూ తెలివైన దానివే..
మరేమనుకున్నారూ..మీ అర్ధాంగిని మరి..

వాళ్ళు సీతారాములు..
వుద్యోగవిరమణ తర్వాత జీవితాన్ని ప్రశాoతంగా అనుభవిస్తున్న అదృష్టవంతులు..

ఇతరుల గాయాలు కెలికి కొంతమంది..సంతోషపడతారు..
ఆ సమస్యలను చిలువలుపలువలుగా లాగి దానికి మరింత మసాలాను జోడించి పదుగురికీ చెప్పి కాలక్షేపం చేస్తారు మరికొంతమంది..

సహృదయంతో ఆ గాయాన్ని కడిగి..
శుభ్రపరచి..దానికి తగిన మందువేసి శుశ్రూష చేస్తారు అతి కొద్దిమంది..

అలాంటివారే.. ఈ సీతా రాములు..
తమ దృష్టికి వచ్చిన సమస్యలను.. దాని బాధితులను..
తమకు తోచిన పధ్ధతిలో పెద్దరికంగా సరిదిద్దడమే.. వారు గొప్ప సమాజసేవగా భావిస్తారు.. కూడా..

అలా వారు పరిష్కరించిన సమస్యలనేకం..
కొన్నిసార్లు వారు తెర వెనుకే వుండిపోతారు..
అప్పుడప్పుడూ..తామే సూత్రధారులమని బయటపడతారు..

ఇతరులు తమను గుర్తించటం..
కృతజ్ఞత చూపించటం కన్నా..
వారు సమస్యలు తొలగి.. సుఖజీవనం సాగించటంలోనే తమకు తృప్తి.. ఆనందం దొరుకుతాయని వారు భావిస్తారు..

మురళి .. సుమనల ఎదురింటికి చుట్టపు చూపుగా..వచ్చారు..
పరిసరాలు పాత బడ్డాక మనుషులను పరిశీలిస్తూ.. పరిశీలిస్తూ.. వుండగా..

స్తబ్దుగా తిరుగాడే..సుమన కంటబడింది..వారికి..

కొత్తగా పెళ్ళయిన పిల్ల..
ఏదో పోగొట్టుకున్నట్టుంటే కారణమేంటీ..??

మనసులేని మనువా..??
మొగడి నిరాదరణా..??
అత్తమామల వేధింపా..??

ఏదో కొద్దిరోజులకొచ్చాం కదా...!!
మనకు సంబంధం లేని విషయాలలో తల దూర్చటం అనవసరమేమో అనుకోలేదు..
అలా అనుకుంటే.. వారు సీతారాములే.. కారు..!!

ఎవరైనా సహాయమర్థిస్తే..
పెద్దరికం వహించమని బ్రతిమాలితే..
మధ్యవర్తిత్వానికి రమ్మని ఆహ్వానమంపితే..
మొహమాటానికో ..ఇదెక్కది గొడవరా..బాబూ..అనుకుంటూనో..
సమస్య దగ్గరికెళితే.. వాళ్ళు సీతారాములెందుకవుతారు..??

విభిన్న కోణాల్లో సమస్యను పరిశీలించటం..
పరిష్కారానికి ఎంతటి సాహసానికైనా వెనుదీయక పోవటం వీరి ప్రత్యేకతలు..

కథానాయకుడైన మురళిపై వారు దృష్టి సారించారు..
ఏదో మొక్కుబడికి ఇంటి కి రావటం..
అప్పుడప్పుడూ..ఒకటి రెండు రోజులు రాకపోవటం..
ఇంటిపై .. ఇల్లాలిపై.. ఉత్సాహం లేకపోవటం..వారు గమనించారు..
సమస్యనిటునుంచీ నరుక్కు రావటం ఆరంభించారు..

ఇంతలో జరిగిందో సంఘటన ..

ఇంటి  వెనుక పెరటిలో ..

స్నానపు నీళ్ళ బకెట్తుతో వచ్చింది సుమన ..

టవలు చుట్టుకొని వున్నాడు మురళి..

ఎవో మాటలు జరిగాయి..

కోపంగా సుమన చంపను ఛళ్ళుమనిపించాడు..మురళి

గుడ్లనీరు కక్కుకుంటూ లోపలికి పరిగెట్టుకెళ్ళింది సుమన..

ఇది కంటబడిన సీతారాములు ఇక ఆగలేక పోయారు..

ఈ అమ్మాయి..

అతని ముభావాన్ని..ప్రవర్తననూ .. తల్లిదండ్రులకెందుకు చెప్పదూ..??

సానుభూతి పరులకెందుకు విప్పదూ..??

లోలోన కుమిలిపోవటంలో అర్థముందా..??

అంటే..

అటు తల్లిదండ్రులకూ..

ఇటు అత్తమామలకూ..

వినిపించకూడని..

అతి రహస్యమైన సున్నితమైన చిక్కుముడా..??

ఆలోచించే కొద్దీ..

సుమనపై జాలీ..

తమ కర్తవ్యమూ.. 

తొందరపెట్టాయి..

కార్యరంగంలోకి దిగారు ఓ కృతనిశ్చయంతో..!!!

అతని దినచర్య గమనించారు..

ఆఫీసుదాకా వెళ్ళి ఆ పరిసరాలూ.. పరిచయాలూ..చూసారు..

వారినీ.. వీరినీ .. వాకబుచేసి.. అబ్బాయి గుణగణాలూ.. అలవాట్లూ..విచారించారు..

కొందరు గుసగుసగా..

కొందరు నర్మగర్భంగా.. అతన్ని గురించిన ఏదో విషయాన్ని దాయడానికీ ..బహిరంగపరచదానికీ..ప్రయత్నిస్తున్నట్లు అనుమానమొచ్చింది..!!

మరింత ప్రయత్నిస్తే.. 

అతనికి ఓ మోడల్ తో పరిచయం .. స్నేహమై .. తర్వాత..మోహమై..ఇప్పుడు అక్రమ సంబంధమైనట్లు ఖరారుగా తెలిసింది..

ఓ యాడ్ ఏజెన్సీలో నిత్యం రకరకాల కాగితపు పూవుల ఆర్టిఫిషియల్ అందాల మధ్యా కృత్రిమత్వం నింపుకున్న నవ్వులూ.. అసహజమైన .. అవసరార్థపు పలకరింపుల వాతావరణంలో ..ఎప్పుడూ ఫ్లడ్ లైట్ల వెలుగుల్లో..అతను ఉద్యోగం చేయాలి..

పొద్దున్నే దారి తప్పి పాల పాకెట్టుకు వచ్చాడు మురళి..

ఉదయపు నడకను జంటగా ఆస్వాదిస్తూ వస్తున్నారు సీతారాములు.

అక్కడ ఆగి మురళిని పలకరించారు.. 

ఏం బాబూ.. పాలకా..??మీరెవరన్నట్లు చూశాడు మురళి..

మేం మీ ఎదురింటికొచ్చిన ఓల్డు జంటలం బాబూ..

నీవు మమ్మల్ని గుర్తించి వుండవులే..

వురుకులూ పరుగుల వుద్యోగాలూ.. జీవితాలూ..

అయితే ఏంటన్నట్లు చూశాడు..

ఏం లేదు బాబూ .. సుమన మాకు దూరపు బంధువు అవుతుందీ..

మరీ దూరం కాదనుకో..!!

మరీ దగ్గరా కాదు..

వాళ్ళ అమ్మా నాన్నలు మాకు బాగా తెలుసు..
అమ్మాయెందుకో ..ఏదో..విషయాన్ని మనసులో దాచుకుని బాధపడుతున్నట్లుంది..

ఆ యేముందిలే ఏ..అత్తగారో.. ఆడపడుచులో వుంటే వాళ్ళ వల్ల బాధపడుతుందనుకోవచ్చు..

అయినా వాళ్ళూ .. బంగారం లాంటి మనుషులైరీ..!!

నీవా మచ్చలేని కుర్రాడివీ.. చక్కటి వుద్యోగస్తుడివీ..

అలాగని దూరం తోసేయలేంగా..!!

వెళ్తానండీ..నాకు పనుంది..

అవునవును అబ్బాయికి పనులుండవేమిటే పొద్దున్నే నీదోసోది...

కన్నవాళ్ళ్కు చెప్పదూ..

అయిన వాళ్ళకూ చెప్పదూ..

తిన్నదరక్క...ఏవో పిచ్చి ఊహల్తో బాధపడితే నేనేం చేయనూ..??అయినా మా విషయాలు మీకెందుకండీ..??

ముసలాళ్ళు రామా.. కృష్ణా అనుకోక..దేశోధ్ధరణకు బయలుదేరారా..???

అలాగనకు బాబూ..

ఏదో .. అయిన వాళ్ళ పిల్ల.. తప్పుచేస్తే..దండించాలి దూరం పెట్టకూడదు..!!భర్తవు నీవే ఆ పిల్లను కనుక్కోవాలి..

అలాగని చెప్పిందా..??

అదే ఆ పిల్ల సంస్కారం పెదవి విప్పదుగా..!!

చెప్పారుగా ఇక వెళ్ళండి..

చూస్తూ.. చూస్తూ.. చూసీ చూడనట్లు వెళ్ళలేంగా..బాబూ..

ఏం అనుకోకు నాయనా.. ఏపిల్ల అయినా మన పిల్లే అనుకునే చాదస్తం.. ఏదో పెద్ద వాళ్ళం..

వెళ్ళాలి ..ఆఫీసుకు టైమైంది..ఎంతోమంది అందమైన ఆడవాళ్ళ మధ్య నా ..ఉద్యోగం 

ఒక  అనాకారిని దయదల్చి పెళ్ళి చేసుకున్నాను.. ఓ జీవితమిచ్చాను.. చాలదా...ఇంకేం చేయాలి నేను..??

ఆ పిల్ల నన్ను పెళ్ళాడు .. నాకు జీవితమివ్వూ అని ..నిన్ను బ్రతిమాలిందా..??

తలిదండ్రులూ..అయినవాళ్ళూ లేని అనాధనని నీకు చెప్పిందా..??

ఏం బాబూ పలకవేం..??

అసలు అడగడానికి మీరెవరండీ..?? మీకెందుకు జవాబు చెప్పాలి నేను..?? హద్దుల్లో వుండండి..

విస విసా వెళ్ళిపోయాడు మురళి..

ఏమే ఏదో అందినట్టులేదూ..??

అవునండీ..అందం .. చందం.. అంటున్నాడు..

ఆఫీసులో అన్నీ అందాలేనాయే .. ఆప్రవాహంలో పడి కొట్టుకు పోతున్నట్లున్నాడు..!!

కథకిదే .. మొదలా..చివరా.. చూద్దాం..!!!

అనుకున్నదంతా అయింది..

ఇప్పుడాపిల్ల జీవితం చక్కబరచాలిమనం..

పరస్త్రీ వ్యామోహంలో పడ్డవాడినీ..కుడితిలో పడ్డ ఈగనూ.. తప్పించటం సాధ్యమా..??

వ్యామోహమని నీవే అంటున్నావుగా..అసలుకూ నకిలీకీ.. తేడా తెలియజేయాలి ఆ కుర్రాడికి..

వైద్యమెటునుంచీ మొదలట..??

మూలం దొరికిందిగా..ఎటునుంచయినా నరుక్కురావచ్చు..

                     ***

ఆ పిల్ల పేరు సోనాలీ.. 

బొంబాయి భామ..

ఏదో యాడ్ అగ్రిమెంట్పై ఇక్కడ వాలింది..

అనుక్షణం రూమర్స్ లోనైనా సరే వార్తల్లో వుండాలనుకునే తత్వం..

మగ స్నేహాలూ ఫుడ్డూ.. బెడ్డూ పంచుకోవటమామెకు చాలా సింపుల్..

మురళి లాంటి సాధారణ ఉద్యోగికి సోనాలి అందడం అంత సులభం కాదు.. కానీ..

లక్షల్లో పారితోషిక మందుకునే సోనాలీకి ఈ అందాల పిచ్చోడు సరదాగా అసిపించాడు..

కాస్త చనువిచ్చింది..కొంచం ఆనందమిచ్చింది.. ఆమె కదో వింత అనుభవం..

స్వర్గమే అందినంత ఆనందపడిపోయాడు మురళి..

ఆ రోజు సోనాలీ మురళి బయటికి వెళ్ళాలనుకున్నారు..

భుజాలు నగ్నంగా వక్షాలు కవ్వింతగా..జీన్సులో ఇమిడిన నాజూకు శరీరం వదలలేనంతగా..

అలరించాయి మురళిని..

హోటల్ లో సన్నటి వెలుగులలో మురళీ సోనాలీ డాన్స్ చేస్తూ.. కంటబడ్డారు సీతారాములకు..

వాళ్ళో బర్త్ డే ఫంక్షన్ కు వచ్చారు అక్కడికి.

అదిగో చూశారా..??ఆ అబ్బాయే..

అవునేవ్ .. ఆపిల్ల .. ఆపిల్లేనా..??

మెల్లగా అంటారేమిటండీ..??అతుక్కుపోతుంటేనూ..??

ఏంచేద్దామంటావిప్పుడూ..??

ఇలా రండి..

లాక్కు వెళ్ళింది పక్కకి సీతమ్మ తల్లి..

సోనాలీ మురళి డాన్స్ చేసి చేసి..అలసి కుర్చీల్లో కూచుని విదేశీ మద్యం సేవిస్తున్నారు..

హాయ్.. సోనాలీ..

హల్లో సోనూ..

ఓ జంట ప్రవేశించింది..

ఎవరు మీరు..??

మమ్మల్నే కనుక్కో లేదా..??మీ తల్లి పినతండ్రి అక్క పిల్లలం..మీ అమ్మకు మేమంటే ప్రాణం..

వగలొలికింది సీతమ్మ మారువేషంలో..

మా .. అమ్మ ఇప్పుడులేదు చని పోయింది..

తెలుసూ..నిన్ను పిల్లప్పుడు చూసాం..ఇప్పుడు పెద్దయ్యావ్ గానీ మా కెప్పుడూ చిన్నపిల్లవే..

నీవు గుర్తించలేదు..మేం ఠక్కున గుర్తించాం..చూశావా..??

సోనాలీ ముఖంలో ఆనందం కనిపించింది..

అంతా తల్లిని పోలావ్..ఇతనెవరూ..??

నా బాయ్ ఫెండ్..

డబ్బున్న వాడేనా..??

ఇబ్బంది పడ్డారిద్దరూ..

మర్చిపోయా నీ కోసం ఓ పెద్ద బిజినెస్ మ్యాగ్నేట్ కాచుక్కూచున్నాడు బొంబాయిలో .. నిన్నో యాడ్ లో చూశాడట..

పది రోజులనుంచీ ఒకటే వాకబు ..నీ గురించి..

అలాగా..??

ఇలా చిన్న చిన్న కేసులకు నిలబడిపోతే..ఒళ్ళు పాడయిపోదూ..??

దీపముండగానే ఇల్లు చక్క బెట్టుకోవాలి పాపా.. త్వరగా బయలుదేరు.ఫ్లైట్ ఇంకో అరగంటలోనే..

అలాగే..

ఇదిగో ఫోన్ నెంబరు..ఇవిగో టికెట్లు..ఆలశ్యమైతే అతను బెల్జియంకు రవాణా అయిపోతాడు..

టికెట్లందుకుంది..వేగంగా..

సోనాలీ..

వినిపించుకోలేదు..

సోనాలీ..

గొంతు బొంగురుపోయింది..మురళికి..

నేను వెళ్ళాలి..

మరి నేనూ..??

చీదరగా చూసింది..గో టు హెల్..

ఎత్తు చెప్పులు టక టక లాడించుకుంటూ వెళ్ళిపోయింది..

బిక్క మొహంతో చూస్తున్నాడు మురళి..

సీతారాములు విలాసంగా చూసారు మురళిని.

మీరు.. మీరే.. సోనాలిని నానుంచీ దూరం చేసారు..

మేమా..??

ఆమె వాడే సెంట్ బాటిలంత వుండదు నీ బతుకు..నీకు సోనాలి కావాలా..??

మెల్లగా అతికించుకున్న గడ్డం తొలగించాడు రామయ్య..

మహాలక్ష్మి లాంటి భార్యను ఇంట్లో వుంచుకుని పై రుచులకు అలవాటు పడడం మంచిపనేనా..?

సీతమ్మ విగ్గును తీసేసింది..

మీరా..

ఆ  మేమే.. నీ కళ్ళు తెరిపించటం కోసమే ఇదంతా.. 

అసలు మీరెవరు..?? నా జీవితంతో ఆటలాడే అధికారం మీ కెవరిచ్చారు..??

నేనెవర్తోనైనా తిరుగుతానూ..ఏమైనా చేస్తాను.. అడిగే అధికారం మీకు లేదు..

మరి నీ భార్య జీవితంతో ఆటలాడే అధికారం నీకుందా..??

ఆమెను పెళ్ళాడి ఆపై నిర్లక్షయం చేసి వేరొకరితో తిరిగే హక్కు నీకుందా..??

అది భార్య కాదు శని..ఆ అనాకారిని బతుకంతా భరించాలా..??

సరే మరి నీవిష్టపడిన వగలాడి నిన్ను అంతిపెట్టుకుని వుందా..??

ఎవరో ధనవంతుడు రెడీగా వున్నాడనగానే ..వుడాయించింది..

అక్కడే నీవు భార్యకూ వేరొకరికీ వున్న తేడాను తెలుసుకోవాలి..

నీవింటికి వెళ్ళగానే నవ్వుతూ తలుపు తీసి.. ప్రేమగా భోజనం తినిపించీ.. కమ్మగా కబుర్లు చెప్పీ..

నీ కోసం కలలు కనీ .. ఆరాటపడీ..

నీ పిల్లలకు తల్లై ..వారిని ప్రయోజకులను చేసి.. నీ వంశానికి మూలాధారంలా నిలిచే స్ఠిరమైన ఆడదీ..సంస్కారవంతురాలూ .. భార్యగా దొరికిన మగవాదు ఎంత అదృష్టవంతుడో నీకు తెలియదయ్యా..

నా భార్య చూడూ..

పొట్టిగా..లావుగా.. నెరిసిన జుట్తుతో .పిల్లలను కనీ పటుత్వం తగ్గీ..

అయినా నా కెంత సుఖసంతోషాలనూ.. మనశ్శాంతినీ ఇచ్చిందనుకున్నావ్..??

ఇది కంటనీరు పెడితే నా మనసు తల్లడిల్లుతుందయ్యా..

దీని చిరునవ్వే నాకు కొండంత బలం..

ఇది నా వెన్ను తట్టిందనుకో .. ఆంజనేయునిలా సముద్ర లంఘనం చేయ గలిగినంత ధీమా నాకొస్తుంది..

పసివాడివి ఇవన్నీ నీకు తెలియవు..

తెలియ జెప్ప వలసిన బాధ్యత మా పెద్దవాళ్ళది..

అదే మన సభ్యత .. సాంప్రదాయం..

అదే మన హిందూ వివాహ వ్యవస్ఠలోని గొప్పదనం..

క్షణం ఆగాడు రామయ్య..

సీతమ్మ కళ్ళలోకి ప్రేమగా.. ఆరాధనగా చూశాడు..

సీతమ్మ సిగ్గుపడింది..

రామయ్య చేతిలో తన చేతిని వేసింది..

చూడు బాబూ ఓ విషయం చెప్పనా..

ఒక స్త్రీకి కళ్ళే అందం..

ఇంకొకరికి చెక్కిళ్ళు అందం..

కురులందం ఒకరికి..చిరునవ్వు అందం ఇంకొకరికి..

మాట తీరు అందంతో ఆకట్టుకొంటారు కొందరు..

చక్కని పని పాటలతో అలరిస్తారింకొందరు..

పరిపూర్ణమైన అందం దొరకటం సాధ్యం కాదు బాబూ..

గొప్ప వ్యక్తిత్వమే నిజమైన సౌందర్యమ్రా.. కన్నా..

వెళ్ళు.. వెళ్ళి..అమ్మాయిని అభిమానంగా చూసుకో ..

జీవితం చాలా విలువైంది.

దీన్ని వృధా చేసుకోవద్దు..

మురళి లేచాడు..

నెమ్మదిగా నిష్క్రమించాడు..

సినిమాభిమానం

శైలజకు సినిమాల పిచ్చి..
అందునా కమలేష్ సినిమాలంటే ప్రాణమిచ్చేస్తుంది..
అంతటి వీరాభిమాని.శైలజ అభిమాన హీరో కమలేష్. "ఇదో చరిత్ర" సినిమా ద్వారా తెరమీదకొచ్చాడు.

అప్పుడు శైలజ సరిగ్గా పదహారేళ్ళ వయసులో వుంది.
ఎప్పుడూ..యేవో జోకులూ.. కిల కిలా నవ్వులూ..
అప్పుడా హేరో శైలజకు తెగ నచ్చేశాడు..వుత్తరాల ద్వారా అభిమానాన్ని తెలియజేసింది.
ముద్దు ముద్దు మాటలూ.. అందమైన ముఖంతో  యువతనాకట్టుకున్నాడా హేరో..అప్పట్లో..
డైలాగ్ టు డైలాగ్ అప్పజెప్పేది..

పాటలన్నీ ఇంతో గొప్పగా అనిపించేవి..

ఓసారి..కాలేజీలో ఇవ్రైనా పాట పాడమని మేడం అడిగితే ..ఆ సినిమాలోని ఓ యల్లారీస్వరి కసి పాటని కస కసా పాడేసింది.
అందరూ నవ్వారు..వారితో జతకలిపి తానూ నవ్వేసింది.
తర్వాత..కమలేష్ ఓ సినిమాలో గుడ్డివాడిగా ..నటించాడు..
అద్భుతమైన నటన కనపరిచాడన్నారందరూ..
ఆ పిక్చర్నూ పదిసార్లు వదల్లేదు..
గుడ్డివాళ్ళ గురించి ఆలోచించేది ఆ తర్వాతెప్పుడూ..
చేసుకుంటే తనూ ఓ గుడ్డి వాడిని పెళ్ళాడాలనుకుంది..కూడా అప్పట్లో..

తర్వాత వచ్చింది.. కమలేష్ సినిమా..కదిలే వసంతం..
దానికి కమలేష్ అవార్డ్ అందుకున్నాడు..
ఇక శైలజ సంతోషం చెప్పనలవి కాదు..
ఆ సినిమాని చాలా సార్లు చూసింది..
కాలేజీ రోజుల్లో.. ఎందరో వెంటబడేవాళ్ళు..

కమలేష్ను ప్రేమించేది శైలజ..శైలజ అభిరుచిని తెలుసుకుని కమలేష్లా జులపాలు పెంచుకుని శైలజకు ఐ లవ్యూ చెప్పేవారు కొందరు..పాపమే ఆజీవుడు నీ ఐ లవ్యూ కోసం కుక్కలా తిరగలేక చస్తున్నాడు కాస్త నవ్వవే తల్లీ..అనేవారు స్నేహితులు..
కమలేష్ పెద్ద పోస్టర్ తండ్రికి తెలియకుండా తన బట్టల బీరువాలో అతికించింది..కూడా..
ఆ ఫోటో చూస్తూ..అలా నిద్రపోతే కమలేష్ కలల్లోకొచ్చేవాడు..

డిగ్రీ అవగానే పెళ్ళయింది..
వివేకమూ పెరిగింది..తండ్రి తన తాహతుకు తగ్గట్టు ..ఏ ఇంజనీర్నో.. డాక్టర్నో తీసుకు రాగలడు ..కానీ.. కమలేష్ ని కాదుగా..
కమలేష్ కానప్పుడు.. ఎవరైతే ఏం..? అనుకుని ఓ నిఖిలేష్తో తాళి కట్టించుకుంది..
పెళ్ళయిన కొత్తలో భర్త ముందే కమలేష్ నటనను అందాన్నీ పొగిడేది..
మరో మగాడైతే..ఏర్ష్య పడేవాడు..కానీ..సినిమా యాక్టరే కదా.. అని సరిపెట్టుకున్నాడు..నిఖిలేష్..
పెళ్ళయినా తన అభిమానాన్ని వదల్లేదు శైలజ ..కాస్త పెద్దరికంగా..అతని సినిమాలు లైక్ చేయటం మొదలుపెట్టింది.

అతనూ పెద్దవాడయ్యాడు..కాబట్టి కాస్త మెచ్యూర్డ్ హీరో వేషాలు వెయ్యటం మొదలు పెట్టాడు..
అతని వేషాలూ.. నటనా..
అందులో త్నకు నచ్చినవీ..నచ్చనివీ..నచ్చనివి ఎందుకు నచ్చలేదూ..అతని ధోరణిని ఎలా మార్చుకుంటే బాగుంటుందీ..
ఇలా ఉత్తరాలు రాసేది..జవాబులూ పొదేది..

నిఖిలేష్ ఓ కంపనీ ప్రొడక్షన్ మేనేజరు..
భార్యంటే చాలా ప్రేమ..
ఇద్దరు పిల్లల తల్లయింది శైలజ..వారు వుద్యోగరీత్యా బందరుకు బదిలీ అయ్యారు..
ఓ కాలనీలో అద్దెకు ఇల్లు..
దగ్గరే పిల్లల స్కూలు..సెటిలయ్యాయి..పక్క వాటాలో వుంటున్న సంధ్యకూ శైలజకూ మంచి దోస్తీ కుదిరింది..
అభిప్రాయాలూ .. అభిరుచులూ.. దాదాపు ఒక్కటే..
వెంటనే పిల్లలూ .. మగాళ్ళూ.. కూడా పరిచయాలు కలుపుకున్నారు..
మగాళ్ళూ పిల్లలూ బయటికెళ్ళాక..సంధ్యా శైలజలు షాపింగులూ..మార్నింగ్ షోలూ..కూరగాయలూ..ఊరగాయలూ ..కలిసి చేసుకోవటం మొదలుపెట్టారు..

వీరి స్నేహాన్ని చుట్టుపక్కల వాళ్ళు ఇద్దరు మిత్రులనీ..జంటకవులనీ..ఇంకా యేవో పేర్లతో పిలవటం మొదలు పెట్టారు..కూడా..
సంధ్య భర్త మంచి హోటలులో మేనేజరు..
మూడవ వాటాలోని కామాక్షికి నెలలు దగ్గర పడ్డాయి..మూడవ కాంపు..
సహాయం చేసేవారు ఎవరూ లేక పోవటంతో..దూరపు బంధువులైన సీతారాములనె దంపతులను సహాయానికి పిలిపించుకుంది..
సీతారాములు నిజంగా సీతారాములే..అన్యోన్య దాంపత్యం పైగా సహాయం చేసే మనస్తత్వం..
కామాక్షిని కన్న కూతురిలా చూసుకోవటం మొదలుపెట్టారు.కామాక్షి వారి అభిమానానికి కంటతడి పెట్టేది..

సాయింత్రం వేళ నడక గర్భిణికి మంచిదని సీతమ్మ గుడికి కూడా తీసుకు వెళ్ళి తీసుకు వచ్చేది జాగ్రత్తగా..
పనిమనిషి సాయం వున్నా.. సీతమ్మ కామాక్షిని పనిలోకి రానిచ్చేది కాదు. కమ్మగా వండిపెట్టేది..

కామాక్షి పిల్లలకు చక్కటి కథలూ ..పురాణాలూ..సరదా పజిల్సూ .. చెప్పేవాడు రామయ్య..

కూరలు తేవటం పిల్లల్ని స్కూల్లో దిగబెట్టటం ..తిరిగి ఇంటికి తేవటం కూడా నెత్తిన వేసుకున్నాడు.

మీకెందుకు శ్రమ బాబాయ్ ..అంటే..

సరేలేవమ్మా..ఊరికే తిని కూచుని ..రోగాల బారిన పడమంటావా..?

అనేవాడు వేళాకోళంగా..

సీతారాములు సంధ్యా శైలజలతో..ముచ్చట్లు పెట్టుకునేవారు అప్పుడప్పుడూ..

ఆనాటి తమ సంగతులను తమాషాగా గుర్తుచేసుకొనేవారు..

ఓసారి సీతమ్మ సరదాగా..పూలు అడిగిందని ..రామయ్య బాబాయ్ రోజూ పూలు తేవటం మొదలుపెట్టాడు..వద్దంటే బాధపడతారేమోనని సంకోచం..

రోజూ కొత్త పెళ్ళి కూతురిలా ఇన్నిన్ని పూలు తురుముకుంటే నలుగురూ ముసిముసిగా నవ్వేవారు..

పైగా ..పూలుపెట్టుకోమని అందరిలో .. పదే పదే ..గుర్తు చెసేవాడు..

ఇక పూలు చాలని నలుగురిలో సిగ్గుగా వుందనీ చెబితే ..

ఎగతాళి చేయనీవోయ్..నీవూ నేను..మొగుడూ పెళ్ళాలమేగా..ఏ లవర్సో కాదుగా..చాటుమాటు సరసం అంతకన్నా కాదు..

మనల్ని చూసి దంపతులెలా వుండాలో ..నేర్చుకుంటారు..ఈనాటి కుర్రకారు..

అనేవాడు ధీమాగా..

సీతమ్మ పిన్ని సిగ్గుపడ్తూ చెప్తూంటే..వారి అన్యోన్యతకు సంతోషంగా..చూడముచ్చటగా.. అనిపించేది..

సంధ్య భర్త శ్రీధర్ పనిచేసే హోటల్ లో హేరో కమలేష్ ఏదో షూటింగ్ కోసమై దిగాడనీ .. కొద్దిరోజులు వుంటాడనీ..భార్యకు చెప్పాడు..

ఆ విషయం శైలజకు కమలేష్ అంటే అభిమానమని తెలిసిన సంధ్య శైలజ చెవినేసింది ..

ఇక శైలజ ఆనందం పట్టలేక పోయింది..

అతనిపై తన అభిమానం ఎలా మొదలైంది..? అతని సినిమాలు తనకెంతగా నచ్చిందీ..ప్రవాహంలా చెప్పడం మొదలు పెట్టింది..

ఓపిగ్గా వింది సంధ్య..

సంధ్యా..నన్ను అతని దగ్గరికి తీసుకెళ్ళవే అంది బ్రతిమాలుతూ..

తప్పకుండా.. మావారికి నేనెప్పుడో చెప్పాను ఈ విషయం అంది..

ఇద్దరమే వెళితే యేం బాగుంటుందీ ..? పెద్దవాళ్ళు కనుక సీతమ్మ పిన్నీ.. బాబాయ్లనూ ..తీసుకు వెళదాం..అంది..

సీతమ్మ పిన్ని ఎందుకమ్మా..? వాళ్ళ దగ్గరికి.. వాళ్ళేం ప్రత్యేకమైన మనుషులు కాదు మనలాంటి వాళ్ళే..!!

వాళ్ళ నటనను అభిమానించండి..కానీ ..వారిని కాదు..అంది..

కానీ పిల్లలు చిన్న బుచ్చుకుంటారేమో ననుకుని వస్తానంది..

మరుసటిరోజు శ్రీధర్ కారుపంపాడు..

అందులో సంధ్యా శైలజ సీతమ్మ పిన్నీ రామయ్య బాబాయ్లు బయలుదేరారు..

శైలజ చిన్న కొడుకు అమ్మవాళ్ళు ఎక్కడో వెళ్తున్నారని పసికట్టి ..స్కూలుకు నామంపెట్టి వెంటబడి వచ్చాడు మొండిచేసి..

అందరూ పోలోమంటూ హోటలు చేరారు..

కమలేష్ విశ్రాంతి తీసుకుంటున్నాడు..

అభిమానులనగానే ఇబ్బందిగా వున్నా రమ్మనక తప్పలేదు..

సోఫాలో కూచున్నారు అందరూ..

ఎవ్వరూ మాట్లాడలేదు.. ముందుగా ..

సంధ్యకు మొహమాటంగా..శైలజకు ఉద్విగ్నంగా..

సీతమ్మ రామయ్య లకు చాలా మామూలుగా వుంది..

శైలజ కొడుకు మాత్రం అంకుల్ మీరు సినిమాలో ..విలన్ ను డిష్యూం ..డిష్యూం..అని కాలుస్తారుగా..నిజంగా చచ్చిపోతాడా..?

పైనుంచీ జంప్ చేస్తారుగా దెబ్బలు తగలవా..?

ఎందుకందుల్ హేరోయిన్ తో డ్యాన్సులు ..బోర్ కొట్టదూ..?

అని బోలెడు తన సందేహాలను వరుసగా వదలడం మొదలుపెట్టాడు..

ఒరేయ్ ..వుండరా..ఒరేయ్ ..ఆగరా..అని వాడినోరు మూసి..శైలజ అతి ప్రయత్నం మీద మీరంటే నాకు చాలా అభిమానమండీ..

మీ సినిమాలు మొదటినుంచీ చూస్తున్నాను..

మీకు ఉత్తరాలు కూడా రాసాను.. అని గొంతు పెగుల్చుకుంది..

రామయ్య బాబాయ్ బాబూ...మేదే గ్రామం ఓహో .. పులిపాకా..స్వస్థలమా..లేక ఉద్యోగనిమిత్తమై వచ్చారా..?

మీ తండ్రిగారిదేం వృత్తీ..? అనీ..

సీతమ్మ పిన్ని..పెళ్ళైందా..? పిల్లలెంతమందీ ..? అనీ అతన్ని పలకరించారు..

సంధ్య కొత్త సినిమాలేంటండీ..? అని మాత్రం అడిగి ఊరుకుంది..

శైలజ మళ్ళీ మీరు నా ఉత్తరాలకు జవబులు కూడా రాసారు.. వాటిని ఇప్పటివరకూ జాగ్రత్తగా.. దాచుకున్నాను .. అంది..

మిమ్మల్నే నా ప్రాణంగా భావించాను అని అనాలనుకుంది.. కానీ అనలేక పోయింది.. సంకోచంతో..

కాఫీలు వచ్చాయి.. తాగారు..

శైలజ కొడుక్కు అతను ఏదో బహుమతి ఇచ్చాడు..గుర్తుగా..

అతను శైలజ నలుగురిలో పూర్తిగా మాట్లాడలేక పోతోందని తనకెదురైన ఉద్విగ్నంలో ఎటూ తోచక వుందనీ గమనించాడు.

ఇలాంటి అభిమానులు అతనికి కొత్తకాదు..

కాసేపటికి అందరూ లేచారు..బయటపడ్డారు..

అయిష్టంగా లేచింది శైలజ.. శైలజ కొడుకు తన వాగుడుతో హేరో కమలేష్ ను జీరో చేసేసాడు..

ఇంటికి చేరినా.. అతన్ని మర్చిపోలేక పోయింది శైలజ..

రాత్రి వచ్చిన నిఖిలేష్ కు హోటల్ కు వెళ్ళామని చెప్పింది...

అతనేం ఆసక్తి చూపించలేదు..అలాగా అన్నాడంతే..

ఏంటండీ మీరు..? హేరో కమలేష్ దగ్గరికి వెళ్ళి వచ్చానని చెబిటే .. ఆసక్తి చూపించరు..?

మీకు నేనంటే ప్రేమే లేదు.. అంది నిరాశగా శైలజ..

పోవోయ్ అలసిపోయి వచ్చాను..నీ అభ్మాన హేరో కనుక నీకు ఇంట్రస్ట్..నేవే నా అబిమాన హేరోయ్న్ వి .. త్వరగా లైటార్పి రా.. అన్నాడు.. తమాషాగా..

రేపు రండి .. మీరూ నేనూ.. వెళదాం..నాకతనితో ఇంకా చాలా మాట్లాడాలనివుంది.. బాబాయ్ వెళదాం .. వెళదాం.. అని తొందరపెట్టి తెచ్చేశారు అని అడిగింది..

రేపా.. అస్సలు కుదరదు.. బోర్డ్ మీటింగ్ వుంది..చూడూ .. ఇద్దరు పిల్లల తల్లివైనా ఈ పిచ్చేంటి నీకు..?

నేను నీ హేరోను కానూ..? రావోయ్..రా..రా..అన్నాడు..

పొద్దున సంధ్యను కదిపిటేఅ మళ్ళీనా.. బాబోయ్ ..మొదటిసారికే ఏం మాట్లాడాలో తెలియక చచ్చాననుకో ..అంది..

సీతమ్మ .. బాబాయ్లతో చెప్పీ వేస్టనుకుంది..

తనే ఒంటరిగా వెళితే సంకోచముండదు అనుకొని వంటరిగా ..బయలు దేరింది..

అరగంట తర్వాత..అటుగా వచ్చిన సంధ్య..శైలజ ఇంటి తాళం చూసి..సీతమ్మకు విషయం చెప్పింది..

బాబాయ్ కూడా విన్నాడు..

ఏంటమ్మా..ఈ పిల్ల ..? బొత్తిగా భయమూ .. భక్తీ.. లేకుండా..

ఆ సినిమా వాడి దగ్గరికి వంటరిగా వెళుతుందా..?

బుధ్ధుండే వాళ్ళు చేసే పనేనా ఇది..అంటూనే ఆటోని పిలిచి బయల్దేరాడు..

హోటల్ చేరిన శైలజ సంధ్య భర్త వుంటాదేమో ఎలారా.. అనుకుని గాభరా పడింది.. అతను కౌంటర్ లో లేడు..

అమ్మయ్య .. అనుకుని సరాసరి కమలేష్ రూముకెళ్ళి తలుపు తట్టింది..

షూటింగ్ క్యాన్సిల్ అయి అతను రూం లోనే వున్నాడు..

తలుపు తెరిచి ఆశ్చర్య పడ్డాడు..వెనకెవరన్నా వున్నారా.. అని తొంగి చూశాడు..

వంటరిగా వచ్చిందా..? అభిమానం ఇంత పని చేయిస్తుందా..?

అని అతనే నోరు తెరిచాడు..కూడా..

నేనేనండీ..మీతో మాట్లాడుదామనీ.. 

రండి.. రండి.. నేను నిన్ననే అనుకున్నా .. మిమ్మల్ని చూసి.. వాళ్ళ ఎదుట మీరు సరిగా మాట్లాడలేక పోతున్నారని..ఇవ్వాళ మీరే వచ్చారు..ఏమైనా తీసుకుంటారా..? మర్యాద చేసాడు..

వద్దండీ .. మీరంటే నాకు చాలా అభిమానమండీ..

నాకు తెలుసండీ..నా చిన్నతనం నుంచీ నేనూ రామారావ్ గారి సినిమాలు తెగ చూసేవాడిని అనుకరించేవాడిని.. ఆయనలా అవ్వాలని ..కలలుకనేవాడిని .. చివరికిలా అయ్యాననుకోండీ..

కదిలే వసంతం..లో హేరోయిన్ కోసం మీరు పడే ఆరాటం నన్ను కదిలించింది..ఆనాటి రోజులలోకి వెళ్ళి పోయింది శైలజ..

వున్నట్టుండి..ఏడవడం మొదలు పెట్టింది..

పక్కనే కూచున్నాడు కమలేష్ భుజంపై చెయ్యి వేశాడు..

అనునయంగా కూల్ డ్రింక్ తాగండి ముందు..అని బలవంతం చేశాడు..

గుడ్డివాడిగా చేశారు..అది నటనలా నేననుకోలేదు.. రియల్ రియలండీ.. 

ఏడుపు మరింత ఎక్కువైంది.. కూల్ డ్రింక్ సగం తాగింది..

ఇదో చరిత్ర .. మీ తొలి చిత్రం ఆ అందం .. అమాయకత్వం.. ప్రేమ చివరికి  మీరు చనిపోవటం నేను భరించలేక పోయాను ..నేను భరించలేక పోయాను..

కూల్ డ్రింక్ పూర్తిగా తాగించాడు.. అనునయంగా..

అతనూ ఆమెను అభిమానిగా.. తన లవర్ గా ...అనుభూతి చెందాడు.. 

ఆమె అభిమానం అతన్ని అలా అనుకొనేలా చేసింది..

ఆమె పమిటపై చేయివేశాడు ప్రేమ మత్తులో.. శైలజ తల అతని గుండెలపై ఆనించింది..

టక్కున శైలజకు స్పృహ వచ్చింది..ఇహలోకంలోకొచ్చింది..

తన శీలం .. అది తన భర్తకే సొంతం..

ఇదేమిటీ..నేనితనికింత దగ్గరగా వచ్చానూ.. అరె ..గుండెలపై తల ఆనించాను..దూరం జరిగింది శైలజ..

అంతే.. అతని అహం దెబ్బ తింది..

ఆమెను వదల్లేదు..అతనిలోని నటుదు వెనక్కి వెళ్ళి పోయి మామూలు మనిషి ముందుకొచ్చాడు.. 

విదిలించుకుంది శైలజ..

పర్వాలేదు రా.. శైలూ..నేను నీ అభిమాన హేరోను..

కానీ.. కానీ...నేనలాంటిదాన్ని కాను..

నీవు నన్ను ప్రేమించావ్.. అభిమానించావ్.. ఆరాధించావ్.. నువ్వు నాదానివి..శైలూ.. రా...

కానీ అది కేవలం అభిమానం మాత్రమే.. దానికి కల్మషం లేదు..శారీరక వాంచ్చ లేదు..అది పూర్తిగా మానసిక మైంది..

కానీ.. నీవు నా కోసం వంటరిగా వచ్చావ్.. నీకు నా పొందు కావాలి..

అపధ్ధం.. ఇలా రావట్మ్ .. నా మూర్ఖత్వం..నెవు మామూలు మనిషి వన్నది నేనూహించలేని సత్యం .. నన్ను వదులు..నేను వెళ్ళాలి..

వదలటమా.. అది జరుగుతుందా..??

వికటంగా నవ్వాడు కమలేష్..

గట్టిగా అరవలేని పరిస్థితి శైలజది..పరువు పోతుంది..

ఇంతలో ఠక్..ఠక్..

తలుపు చప్పుడు..

ఇప్పుడెవర్రా బాబూ..

తలుపు తీసాడు..

వెంటనే రామయ్య బాబాయ్ లోపల దూరాడు..మాట్లాడావామ్మా..అభిమాన హేరోతో.. ఇక వెళ్దామా..నడు మరి..

బాబాయ్ వెనగ్గా రూము బయటికి పారిపోయింది శైలజ..

రోజులు బాగా లేవు బాబూ.. పిచ్చీల్ల అభిమానినంటుంది.. డిస్టర్బ్ చేసాననుకుంటా..వుంటా బాబూ..చేతులు జోడించి బయటకు నడిచాడు.. రామయ్య బాబాయ్..